من زمان وانا مغرمه بحكايا بريد الجمعه
وحتى البرامج بحب اوى برامج المشاكل وكلام الناس بحب اعترفات ليليه
ارجوك افهمنى حتى برنامج بين الناس
كل الناس عندها مشاكل بس انا وقت ماكان الحكايات دى بتهمنى ماكنش عندى مشاكل معضله ديما كنت مشهوره بين اصحابى بالتفاؤل وانا ديما ببص على نص المليان للكبايه وماببصش على الفاضى
من الاخر كانت ايدى فى الميه البارده
بس شويه شويه رجلينى بتيجى فى خيه الدنيا
ونقع وانا بقى وقعت وماحدش سمى عليا
يمكن عمرى مافكرت انى اعمل مدونه يعنى ماعنديش لاراء فكريه ولا سياسيه ولا فنيه ولا اى حاجه تستحق انى اناقشها او حتى اعرضها
عمرى ما استهوتنى كتابه مزكرات فى حياتى ابدا يمكن لانى عشات 18 او 19 سنه من عمرى مافيهاش اى اكشن
او اى احداث تستحق التدوين
بس الناسان اللى مشاكله صغيره مع الوقت بتظهر مشاكل بعمره يعنى كل مابنكبر مشاكلنا بتكبر معانا
بس انا دلوقتى بس فكرت اعمل المدونه دى بس عشان اتكلم وافضفض
وغرضى الاول والاخير هو انى اقول الكلام اللى مابعرفش اقوله فى حته انيه
المره دى مجرد عرض غير سريع وتوضيح انى مش مدونخ محترفه ولكن مضطره مفيش طريقه غير كده للفضفضه
Subscribe to:
Post Comments (Atom)
2 comments:
هههههههه اولا تقبلى مرورى..
ثانياً بقى أنا هتكلم معاكى شويه..
اعتبرينى يا ستى بقشر بصل وبطاطس معاكى فى المطبخ بما انك بتحبى الطبخ وانا بحب الطبخ..
على فكره هو كمان بيحب..
المهم..مش لالزم تكونى مدونه محترفه علشان تدونى لأ..
المدونه دى بتاعتك يعنى صفحتك يعنى ملكك تكتبى فيها بالطريقه اللى انتى عاوزاها..عاوزه توصلى احساسك ازاى بترتاحى لايه حاجات كتير كده..
اى شئ يخطر ببالك تحبى الناس تشوفه قوليه عااااااااااادى خالص مفيش مشاكل واعتقد انك بدأتى بدايه مشرقه..
هو اسبوع وهتبقى من المدونين المحترفين..
ايه ده البصل لسه متقشرش..كل ده..تعالى نتكلم واحنا بنقشره..
انا كنت زيك حياتى ورديه ومازالت ..كنت بقرا كتييير لبريد الجمه وكنت اشترى الجرنال مخصوص وده ايام عبد الوهاب مطاوع الله يرحمه..
وكنت سعيده جداً وانا بقرأ تعليقاته حتى المشاكل كانت معاصره وليها معنى..
دلوقتى خيرى جمعه بس معنتش بقراله اى نعم هو ناجح بس حسيت ان المشاكل اللى بقت بتتعر هايفه جحداً وملهاش معنى ولا روح حتى التعليقات سورى يعنى بتلففنى ومترسينيش على حل حكيم من معلق حكيم..
مازلت بحل مشاكل الناس وفى مصيبه بقى مقابلانى اجارك الله..فى مشاكل ليا مش بعرف احلها (بلوه مسيحه)..
الحياه بقى فيها خطاطيف كتير المفروض بقى الواحد يبقى مصحصح ومطقطق ودنه علشان لا انا ولا انتى نشعر بالياس التفاؤل حلو برده..
ريحه البصل مش عاوزه تروح من ايدى يا ساتر يارب..
اتمنى انك تزورى مدونتى هيكون بيننا حوار كبيييييييير..
ما عليكى انك تضغطى بالماوس على اسمى هتلاقى مدونتى علطوووووووووول..تصبحى على خير..
اولا نورتى عالم المدونات الذى هوا من أفضل الأشياء فى حياتنا حاليا
ثانيا المدونة يعنى كتابة يعنى اى حاجة عايزة تقوليها ولا لازم تكونى بتحبى التدوين وكمان ممكن متكونيش بتحبى الكتابة بس احنا فى الاول والأخر مشتركين فى حاجة وهيا اننا كلنا عايزين نتكلم ولازم نتكلم اتمنى التواصل بالمدونات تقبل احترامى
Post a Comment